Pitong Gatang


(Pitong Diona sa Bigas)

I.

Mga natatapon na
Kanin sa may lamesa
Langgam ang tumitira

II.

Bigas na isasaboy
Sa kasal ng palaboy
Atin nang iabuloy

III.

Kaning lamig at sabaw
Iniinit ang ginaw
Parang ako at ikaw

IV.

Bandehado ng kanin
Kanilang aanihin
Dehado’ng kikitain

V.

Naubusan ng kanin
Ang kalderong maitim
Kumalam nang mataimtim

VI.

Isang kilo ng bigas
at bagyo na malakas
lugaw ang handa bukas


VII.

Sinaing ay natusta
Tutong ang nasa mesa
Binuska ng prinsesa




* Lahok sa Saranggola Blog Awards 7 (http://www.sba.ph).

Next PostMas Bagong Post Previous PostMga Lumang Post Home

0 (mga) komento:

Mag-post ng isang Komento